Ministri i Punëve të Brendshme, Xhelal Sveçla është takuar me sekretarin e Përhershëm të Mbretërisë së Bashkuar, Simon Bridley dhe ambasadorin e Mbretërisë së Bashkuar në Kosovë, Jonathan Hargreaves.
Në një postim në Facebook, Sveçla ka njoftuar se në takim është diskutuar për bashkëpunim të mëtejmë në luftën kundër krimit të organizuar.
“Takim i këndshëm me Sekretarin e Përhershëm të Mbretërisë së Bashkuar Simon Bridley dhe Ambasadorin e Mbretërisë së Bashkuar në Kosovë Jonathan Hargreaves. Rikonfirmuam përkushtimin e plotë për bashkëpunim të mëtejmë në luftën kundër krimit të organizuar, për çka i jemi gjithmonë mirënjohës gjithmonë Mbretërisë së Bashkuar për mbështetjen e tyre pa kursim në këtë drejtim”, ka shkruar Sveçla në Facebook. /Kosovatimes/
