Kur udhëtoni në një vend tjetër, gjëja më e rëndësishme është të keni një pasaportë, dhe kjo është e vërtetë për shumicën e njerëzve. Megjithatë, janë tre persona për të cilët nuk vlen ky rregull, pra nuk kanë nevojë për pasaporte per te udhetuar.
Në fjalë janë mbreti Charles III i Mbretërisë së Bashkuar, perandori Naruhito i Japonisë dhe perandoresha Masako. Përpara se mbreti Charles III të merrte privilegjin, ai mbahej nga Mbretëresha Elizabeth II, e cila Charles pasoi në fron pasi mbretëresha më jetëgjatë e Britanisë vdiq më 8 shtator 2022.
Pra, ky përjashtim vlen vetëm për Mbretin (ose Mbretëreshën) e Mbretërisë së Bashkuar, jo për anëtarët e tjerë të familjes mbretërore. Ky rregull nuk vlen edhe për gruan e mbretit Charles, mbretëreshën Camilla, e cila duhet të ketë me vete një pasaportë diplomatike.
Sa i përket Japonisë, më 10 maj 1971, ministria japoneze lëshoi një dokument ku thuhej se do të ishte shumë e papërshtatshme të lëshohej një pasaportë për perandorin ose perandoreshën, shkruan CNBC TV18, transmeton B92.
Është e papërshtatshme që një perandor të përdorë një pasaportë si një qytetar i zakonshëm
Dokumenti shton gjithashtu se do të ishte shumë e papërshtatshme që perandori t’i nënshtrohej procedurave të imigrimit ose vizave duke përdorur një pasaportë si një qytetar i zakonshëm. Gjithashtu, një e drejtë e tillë vlen vetëm për perandorin dhe perandoreshën, ndërsa pasaportat diplomatike u lëshohen anëtarëve të tjerë të familjes perandorake, përfshirë trashëgimtarin e fronit dhe princeshën.
Kur mbërrijnë në ndonjë vend, Perandorit dhe Perandoreshës së Japonisë u kërkohet vetëm të tregojnë një dokument nga ministria vendase, e cila njofton vendin përpara mbërritjes së tyre.
Në rastin e mbretit Charles III, kjo detyrë iu besua sekretarit të tij personal, Sir Clive Alderton, i cili ka qenë një nga këshilltarët më të besuar dhe më të dashur të Mbretit dhe Mbretëreshës Camilla që nga viti 2006, një vit pasi ata u martuan.
