Një Grua ka vdekur pas të shtënave në Brentford, në veriperëndim të Londrës, të shtunën mbrëma.
Policia Metropolitane raportoi se dy burra, të dy rreth të 30-tave, u plagosën gjithashtu. Njëri është transportuar në spital ku ndodhet në gjendje kritike për jetën, ndërsa tjetri ka pësuar lëndime jashtë rrezikut për jetën.
Policia u thirr në rrugën Gifford rreth orës 21:15, ku një grua rreth të dyzetave u gjet e plagosur. Ajo ka ndërruar jetë në vendngjarje.
Deri më tani, askush nuk është arrestuar.
Superintendent Tony Josephs, nga Njësia Veriperëndimore e Policisë Metropolitane, e cila mbulon zonën e Brent, tha:
“Kjo është një ngjarje vërtet tronditëse e cila ka rezultuar me vdekjen e një gruaje dhe plagosjen e dy burrave. Unë e kuptoj shqetësimin që kjo do të shkaktojë në komunitetin lokal dhe në mbarë Londrën. Dua të siguroj qytetarët se një ekip detektivësh me përvojë Tashmë po punohet intensivisht për zbardhjen e ngjarjeve të mbrëmjes së djeshme dhe identifikimin e autorëve të këtij akti të tmerrshëm dhune”.
Ai ka dërguar edhe një mesazh për çdo dëshmitar të ngjarjes.
“Nëse keni qenë në afërsi të Gifford Close në momentin e të shtënave ose keni ndonjë informacion se kush është përgjegjës, ju lutemi na kontaktoni. Familja është e shkatërruar dhe së bashku ne duhet të bëjmë gjithçka që mundemi për t’u marrë përgjigje,” tha Josephs.
