Një tërmet është regjistruar në brigjet e Sirisë mbrëmë vonë, të cilin mediat ia atribuojnë sulmeve të rënda izraelite që dyshohet se janë kryer në rajonin bregdetar të Tartus.
Departamenti Gjeografik i Sizmologjisë i Izraelit raportoi një tërmet me magnitudë 3.1 ballë në orën 23:49, ndërsa epiqendra ishte 28 kilometra nga bregu i qytetit Banias.
Thellësia e tërmetit është matur në 32 kilometra dhe ende nuk ka një konfirmim zyrtar se leximi është shkaktuar në të vërtetë nga shpërthime.
Sipas Observatorit Sirian për të Drejtat e Njeriut, avionët izraelitë nisën sulme intensive në zonën bregdetare të Sirisë të dielën vonë duke synuar njësitë e mbrojtjes ajrore, magazinat dhe vendndodhje të tjera.
Raportet thanë se sulmet izraelite kishin në shënjestër objekte ushtarake në rajonin bregdetar të Sirisë, Tartus, të cilat një monitor i luftës siriane i quajti “sulmet më të rënda” në zonë në më shumë se një dekadë.
“Aeroplanët luftarakë izraelitë kryen sulme duke synuar një numër vendesh, duke përfshirë njësitë e mbrojtjes ajrore dhe depot e raketave tokë-tokë”, tha Observatori Sirian për të Drejtat e Njeriut, “në sulmet më të rënda në zonën bregdetare të Sirisë që nga fillimi i ofensivës në 2012.
