Italia ka rritur në mënyrë drastike gjobat për kundërvajtjet e trafikut, duke përfshirë ato për drejtimin e automjeteve mbi kufirin e alkoolit në gjak që mund të arrijë deri në 2200 euro, së bashku me një ndalim për gjashtë muaj ngarje.
Dënimet për drejtimin e automjetit nën ndikimin e alkoolit bëhen më të larta sa më i lartë të jetë përqendrimi në gjak dhe për më shumë se 1.5 promijë rrezikon gjashtë muaj burg. Vozitja dhe përdorimi i celularit në Itali kushton të paktën 250 euro, dhe nëse përsëritet, deri në 1400 euro.
Rregullat e reja nisën të zbatohen dje dhe me ndëshkime më të rrepta qeveria italiane kërkon të ulë numrin e madh të vdekjeve në rrugë që arrijnë në 3000 në vit.
Ndryshimet vlejnë edhe për të huajt që lëvizin në rrugët italiane.
Gjoba të mëdha përballen edhe përdoruesit e skuterëve elektronikë, ndaj ngasja pa helmetë kushton 50 euro dhe aq më shumë nëse mungojnë treguesit e drejtimit, dritat e frenimit apo targa.
Rregulli i ri është që shoferët të mbajnë një distancë prej 1.5 metrash kur kalojnë një çiklist. Edhe parkimi në vende për personat me aftësi të kufizuara do të dënohet më ashpër, transmeton Hina.
