Futbollistja e Barcelonës dhe Kombëtares së Spanjës, Aitana Bonmati, është shpallur fituese e çmimit prestigjioz “The Best FIFA Women`s Player” për vitin 2024.
Njëzet e gjashtë vjeçarja ishte treguar vendimtare për Spanjën, duke shënuar në finalen e Nations League, kompeticion që Spanja e kishte fituar. Ndërkohë, në nivel klubi, ajo ishte përsëri në krye të suksesit të Barcelonës, duke triumfuar në Champions League.
Ky është suksesi i dytë radhazi për Bonmatin, e cila kishte fituar këtë çmim edhe në vitin 2023. Bonmati është bërë spanjollja e dytë që fiton çmimin “The Best” dy herë, pas bashkëlojtares dhe bashkëkombëtares së saj, Alexia Putellas, e cila e kishte fituar këtë çmim në vitet 2021 dhe 2022.
