Drejtoria Rajonale e Policisё nё Pejё ka njoftuar se në koordinim me Stacionin Policor Podujevë kanë arrestuar dy të dyshuar për rrëmbim të një personi dhe shkaktim të lëndimit trupor, i cili ishte dërguar në një drejtim të panjohur.
Përmes një njoftimi për medie bëhet e ditur se të dyshuarit e arrestuar në Podujevë janë sjellë në Drejtorinë Rajonale të Policisë në Pejë.
“Drejtoria Rajonale e Policisё nё Pejё, Stacioni Policor Pejё, me datë 17.12.2024, rreth orës 11:25, ka pranuar informacion nga dëshmitari i cili deklaron sot me datё 17.12.2024 rreth orës 10:07, ka pranuar njё thirrje telefonike nga shoku i tij i cili i thotë se dy persona nga qyteti i Ferizajt, e kanё kontaktuar viktimën lidhur me njё borxh tё vjetёr tё vëllait tё tij, pas takimit me tё dyshuarit viktima ёshtё rrëmbyer nga tё dyshuarit dhe ёshtё dёrguar nё drejtim tё panjohur”, thuhet në njoftim.
Tё dyshuarit e arrestuar janё sjellë nё Drejtorinё Rajonale tё Policisё nё Pejё, ndёrsa viktima kishte pësuar lëndime trupore, tё njëjtit iu ёshtё ofruar trajtim mjekёsor.
Tutje bëhet e ditur se pas inetrvistimit nga hetuesit, në koordinim tё plotё me prokurorin e shtetit, u mor vendimi që dy tё dyshuarit të ndalohen pёr 48-orё. /Kosovatimes/
