Presidenti amerikan Joe Biden do të udhëtojë në Romë në janar për t’u takuar me Papa Françeskun dhe kryeministrin italian Giorgia Meloni, njoftoi Shtëpia e Bardhë, një udhëtim vetëm disa ditë para përfundimit të mandatit të tij.
Biden do të takohet gjithashtu me presidentin italian Sergio Mattarella gjatë vizitës së tij në Romë nga 9 deri më 12 janar, tha në një deklaratë zëdhënësja e Shtëpisë së Bardhë Karine Jean-Pierre.
“Ata do të diskutojnë përpjekjet për të promovuar paqen në botë”
“Presidenti Biden do të ketë një audiencë me Papën dhe do të diskutojë përpjekjet për të promovuar paqen botërore,” tha ajo, duke shtuar se do të diskutonte “sfidat e rëndësishme me të cilat përballet bota” me Melonin.
Biden foli me Papën dje me telefon.
“Presidenti falënderoi Papën për angazhimin e tij të vazhdueshëm për të lehtësuar vuajtjet globale, duke përfshirë punën e tij për të avancuar të drejtat e njeriut dhe mbrojtjen e lirive fetare”, njoftoi Shtëpia e Bardhë në një deklaratë të veçantë.
Mandati i Biden përfundon më 20 janar, kur do të inaugurohet presidenti i sapozgjedhur Donald Trump.
