Një xhami në zjarr në Bregun Perëndimor

Mediat palestineze raportojnë këtë mëngjes se kolonët izraelitë i vunë zjarrin pjesëve të një xhamie në qytetin Marda të Bregut Perëndimor.

Pamjet tregojnë pjesë të djegura të xhamisë të mbuluara me mbishkrime që lexojnë “Hakmarrja” dhe citon një varg nga Psalmet: “I drejti do të gëzohet kur të shohë hakmarrjen”.

Aktivisti palestinez për të drejtat e njeriut Ihab Hassan shkroi përmes rrjetit X, së bashku me pamjet, se besimtarët ishin në xhami kur një pjesë e saj iu vu zjarri.

Më pas ai ka postuar një video që tregon momentin kur ka ndodhur ngjarja. Videoja tregon kolonët e dyshuar izraelitë që i vënë zjarrin xhamisë dhe spërkasin mbishkrime të urrejtjes.

“Nuk është për t’u habitur që kjo nuk do të trajtohet si një histori e rëndësishme – apo edhe e përmendur – në mediat perëndimore. Qoftë një sinagogë, një xhami apo një kishë, zemërimi duhet të jetë i njëjtë,” shkroi Hassan.