Kryetari i Lidhjes Demokratike të Kosovës (LDK), Lumir Abdixhiku, zhvilloi sot një takim me përfaqësuesit e 150 bizneseve më të mëdha të Kosovës, të cilët kontribuojnë në rreth 80% të ekonomisë së vendit. Në këtë takim, Abdixhiku prezantoi projektet e LDK-së për zhvillimin ekonomik të vendit, përfshirë një plan ambicioz prej 5 miliardë eurosh investime në katër vitet e ardhshme.
Në fjalimin e tij, Abdixhiku theksoi rëndësinë e bashkëpunimit me bizneset për të ndërtuar një Kosovë me zhvillim të qëndrueshëm ekonomik. Ai u shpreh i vendosur për të ndryshuar perceptimin negativ ndaj sektorit privat dhe për të krijuar një kulturë bashkëpunimi me biznese të ndershme dhe inovative.
Abdixhiku kritikoi qasjen aktuale të pushtetit duke theksuar se retorika e bazuar në urrejtje dhe ndarje nuk mund të sjellë zhvillim për vendin. Ai nënvizoi domosdoshmërinë e përshpejtimit të investimeve dhe të transformimit të Kosovës në një vend që ngjason me familjen evropiane.
“Koha për të humbur ka përfunduar. Duhet të investojmë fort dhe shpejt,” deklaroi ai, duke premtuar se programi i tij do të sjellë një ndryshim rrënjësor pas shkurtit.
Ky takim konfirmon angazhimin e Abdixhikut për të ndërtuar ura bashkëpunimi me bizneset dhe për të udhëhequr një vizion të ri zhvillimi për Kosovën. /Kosovatimes/
