Klubi spanjoll, Barcelona raportohet se është e interesuar për mbrojtësin e Crystal Palace, Tyrick Mitchell.
Duke e ditur se reprezentuesi anglez është gati të hyjë në gjashtë muajt e fundit të marrëveshjes së tij aktuale me Palace, ‘Sport’ të martën raporton se shefi i Barçës, Deco është duke u përgatitur të nis negociatat me agjentin e lojtarit.
Trajneri i katalonasve, Hansi Flick dëshiron të forcojë akoma më shumë repartin e mbrojtjes për pjesën tjetër të sezonit, dhe Mitchell thuhet se është objektiv i ‘Blaugranave’.
Ndryshe, siç raportohet edhe Tottenham dhe Arsenal po monitorojnë lojtarin dhe mund t’i ofrojnë mbrojtësit të Palace-s pagë më të lartë se Barcelona.
Mitchell, i cili ka dy paraqitje me Kombëtaren e Anglisë, ka tre asistime në 21 paraqitje këtë sezon të garave me Crystal Palace.
