Anësori i Lazios, Gustav Isaksen e pranon se është tifoz i Liverpool dhe yllit egjiptian Mohamed Salah.
Isaksen thotë se e vlerëson asi-n egjiptian, dhe sipas tij, Salah është lojtari më i mirë në botë.
Reprezentuesi danez në intervistë për ‘Il Corriere dello Sport’, ka thënë si fëmijë ka qenë fansi i Liverpoolit.
“Si fëmijë, kam qenë tifoz i Liverpoolit. E dua Salah dhe them se ai është lojtari më i mirë në botë në pozicionin tim”, ka thënë Isaksen.
Ai thotë se tashmë është adaptuar mirë tek Lazio.
“Në fillim nuk mund të flisje gjuhën dhe ishte e vështirë të kuptosh taktikat. Tani unë e kuptoj gjuhën shumë më mirë dhe ndihem mirë tek Lazio”, ka përfunduar ai.
