Njoftimi vjen mes shpresave të shtuara për një fund të konfliktit dhjetëvjeçar të zhvilluar nga Partia e jashtëligjshme e Punëtorëve të Kurdistanit (PKK) në Turqinë juglindore, si dhe ardhja e një qeverie të re në Sirinë fqinje që ka marrëdhënie miqësore me Ankaranë.
Provincat lindore dhe juglindore të Turqisë kanë mbetur prej kohësh prapa rajoneve të tjera të vendit në shumicën e treguesve ekonomikë, duke përfshirë produktin e brendshëm bruto (PBB) për frymë, pjesërisht për shkak të këtij konflikti.
Ministri turk i Industrisë Fatih Kacir u tha gazetarëve në qytetin juglindor të Sanliurfas se qeveria do të shpenzojë një total prej 496.2 miliardë lirash (14.15 miliardë dollarë) në 198 projekte në të gjithë rajonin deri në vitin 2028.
“Me zbatimin e këtyre projekteve, ne presim një rritje shtesë të të ardhurave vjetore për frymë në rajon me 49,000 lira (1,400 dollarë)”, shtoi ai.
Sipas të dhënave të vitit 2023, të ardhurat për frymë në Sanliurfa ishin 4,971 dollarë, shumë më poshtë mesatares kombëtare prej 13,243 dollarësh.
Sa i përket perspektivave për paqen në juglindje të Turqisë, dy ligjvënës turq u takuan të shtunën me udhëheqësin e burgosur të PKK Abdullah Ocalan. Ishte vizita e parë e tillë në gati një dekadë dhe ata thanë se ai la të kuptohej se mund t’u bënte thirrje anëtarëve të grupit të dorëzonin armët.
Vizita pasoi një thirrje nga aleati i ngushtë i presidentit turk Tajip Erdogan drejtuar Oçalanit për t’i dhënë fund kryengritjes 40-vjeçare të PKK, e cila ka vrarë më shumë se 40,000 njerëz.
Konflikti midis shtetit turk dhe PKK-së, e cila tani është e përqendruar kryesisht në Irakun verior, në të kaluarën është fokusuar në Turqinë juglindore.
“Terrorizmi ka shkaktuar dëme të mëdha në rajonet lindore dhe juglindore të vendit…Turqia pa terrorizëm do t’i sjellë përfitime të mëdha këtij rajoni,” tha zëvendëspresidenti turk Cevdet Yilmaz në një ngjarje në Sanliurfa të dielën.
