Kryetari i Prishtinës, Përparim Rama, ka ndarë një mesazh emocionues për fundvitin, duke përkujtuar sakrificën e tij dhe të familjes për të jetuar dhe kontribuuar në kryeqytetin e Kosovës. Ai ka treguar se pas zgjedhjes si kryetar, së bashku me bashkëshorten Kristalen dhe tre fëmijët e tyre, Arra, Broni dhe Tigri, kanë lënë Mbretërinë e Bashkuar për të ndërtuar një jetë të re në Prishtinë.
“Fëmijët e mi janë kritikët e mi më të mëdhenj,” tha Rama, duke theksuar se ata, si banorë të kryeqytetit, përjetojnë çdo ditë sfidat dhe nevojat e qytetit.
Këtë fundvit, Rama ka zgjedhur ta kalojë festën e Vitit të Ri në Prishtinë, duke ndarë momente të ngrohta me familjen dhe qytetarët. Në urimin e tij për Vitin e Ri 2025, ai u shpreh:
“Le të punojmë së bashku që Prishtina jonë të bëhet një vend edhe më i mirë për të gjithë. Nga zemra, ju uroj një vit të ri të mbushur me shëndet, lumturi dhe suksese!”. /Kosovatimes/
