Kryeministri Albin Kurti në mbledhjen e Qeverisë ka premtuar që ky vit do të jetë viti i inkurajimit të grave dhe vajzave, që të jenë liderë në çdo fushë. Ai ka listuar disa nga fushat ku pritet të investohet, në mënyrë që siç tha ai, të garantohet pjesëmarrje e plotë e grave.
“Viti 2025 do të jetë viti i inkurajimit të gjithë grave dhe vajzave, për të qenë liderë në çdo fushë, në politikë, arsim, edukim, shkencë, art, kulturë e sport. Do të vëmë në dispozicion të gjitha mekanizmat shtetëror për të ekuilibrin e mirëqenies së grave në sferën private e publike, me më shumë kopshte publike për fëmijë, shërbime cilësore të arsimit dhe shëndetësisë publike dhe mundësi të reja të punësimit”, ka thënë ai.
Ai ka përmendur mbështetjen ndaj grave ndërmarrëse nëpërmjet subvencioneve, shtesat për lehonat dhe fëmijët e porsalindur.
