Me ndihmën e një testi të thjeshtë dhe falas, që nuk zgjat shumë, mund të kontrolloni gjendjen e zemrës.
Hulumtimet e Shoqatës Evropiane të Kardiologjisë kanë treguar se ju mund të testoni shëndetin e zemrës me ndihmën e shkallëve.
Kushdo me zemer te shendetshme duhet të jetë në gjendje të ngjitet katër kate në 45 sekonda, që është afërsisht 60 hapa.
“Nëse ju duhet më shumë se një minutë e gjysmë për të ngjitur në katin e katërt, do të ishte mirë të konsultoheni me një mjek”, këshillon Dr. Jesus Peteiro, kardiolog në Spitalin Universitar të A Coruña dhe autor i studimit.
Në hulumtim morën pjesë 165 subjekte të cilëve iu ishte caktuar ushtrimi për shkak të sëmundjes koronare të diagnostikuar ose të dyshuar. Pas ushtrimit të mundimshëm, subjektet pushuan për 15 deri në 20 minuta dhe më pas iu kërkua të ngjiteshin shpejt në katin e katërt pa u ndalur, por edhe pa vrapuar.
Studiuesit zbuluan se pacientët që i ngjitën shkallët në më pak se 40 deri në 45 sekonda arritën më shumë se 9 deri në 10 MET, një shkallë e lidhur me vdekshmëri më të ulët.
Pacientëve të cilëve iu deshën 90 sekonda ose më shumë për të ngjitur shkallët arritën më pak se 8 MET, që do të thotë se shkalla e vdekjes së tyre ishte 2 deri në 4 përqind në vit, ose 30 përqind gjatë një dekade.
Monitorimi i funksionit të zemrës së atyre subjekteve që iu deshën më shumë se një minutë e gjysmë zbuloi se 58 për qind e tyre kishin dështim të zemrës, krahasuar me 32 për qind të atyre që u ngjitën në më pak se një minutë.
