Presidenti ukrainas Volodymyr Zelensky iu përgjigj deklaratave të kryeministrit sllovak Robert Fico, duke theksuar se Fico hodhi poshtë ndihmën e propozuar nga Kievi për të lehtësuar pasojat e pezullimit të furnizimit me gaz rus.
“Është mirë që kryeministri sllovak Fico më në fund u kthye nga pushimet e tij në një hotel luksoz në Vietnam dhe tani është në Bratislavë. Për të personalisht, duhet të jetë një sfidë, kalimi nga të jetuarit në luks në përpjekjen për të rregulluar gabimet e tij.” ka shkruar Zelenski.Marrëdhëniet midis Kievit dhe Bratislavës ranë në krizë pasi Ukraina vendosi të ndërpresë rrjedhën e gazit rus në vendet e Evropës Qendrore nga 1 janari, i cili ishte një nga të parët që goditi Sllovakinë.
“Ne ofruam ndihmën tonë për popullin e Sllovakisë gjatë përshtatjes me mungesën e tranzitit rus të gazit, por Fico refuzoi me arrogancë. Tani ai po përdor PR, gënjeshtra dhe akuza për të transferuar fajin nga vetja tek dikush tjetër”, shtoi Zelenski.
