Në zgjedhjet për Kuvendin e Kosovës, të cilat do të mbahen më 9 shkurt 2025, do të marrë pjesë edhe partia FJALA me 22 kandidatë për Kuvend. Kjo parti mban numrin 138 në listën zgjedhore.
Kryetari i partisë FJALA, Gëzim Kelmendi, ka shkruar në profilin e tij në rrjetin social “Facebook” se duhet të votohet për cilësi, jo për sasi, dhe se partia FJALA është diçka ndryshe nga të tjerët!
Ndërkohë, një nga kandidatët për deputetë nga partia FJALA, Avni Çakmaku, theksoi se familja, si bërthama e shoqërisë sonë, është sulmuar fuqishëm në të gjitha periudhat pas luftës, si në aspektin socio-ekonomik, ashtu edhe në vlerat që ajo ka përfaqësuar në kontributin për rrugëtimin tonë kombëtar.
Ai shtoi se angazhimi i tyre në këtë garë politike është një detyrë e domosdoshme për të qenë gardianë të vlerave konservatore, si në aspektin shoqëror ashtu edhe në atë ekonomik, ku në qendër të saj është shteti.
