Pritet që përfaqësuesja e re e lartë e BE-së për politikën e jashtme dhe sigurinë, Kaja Kalas, të zgjedhë danezin, diplomatin e karrierës dhe ish-përfaqësuesin special të BE-së për Bosnje-Hercegovinën, Peter Sorensen, për të ndërmjetësuar në dialog dhe për të pasuar Lajcak në këtë pozicion, shkruan RSE.
Siç thuhet në tekst, turneu i saj i parë në Ballkanin Perëndimor pritet pas zgjedhjeve në Kosovë, të cilat janë caktuar për 9 shkurt, transmeton Kosova Online.
Lajçak së fundmi ka qëndruar në SHBA, ku ndër të tjera ka takuar ndihmës sekretarin amerikan të shtetit për çështjet evropiane dhe euroaziatike, James O’Brien dhe zëvendësndihmës sekretarin amerikan të shtetit për Ballkanin Perëndimor, Alexander Kasanoff .Lajçak u emërua për herë të parë si i dërguar i posaçëm i BE-së për dialogun ndërmjet Beogradit dhe Prishtinës dhe çështjeve të tjera rajonale të Ballkanit Perëndimor më 2 prill 2020, dhe së fundi Brukseli ia zgjati mandatin deri më 31 janar, kur, sipas RSE, ai tani duhet të jetë zëvendësohet nga Peter Sorensen.
