Brentford ka arritur një barazim të madh 2-2 kundër kampionit aktual të Premier League, Manchester City. E ka bërë duke u rikthyer nga një disavantazh prej dy golash.
Ekipi i Thomas Frank ka treguar tregoi agresivitet që në fillim, me Mads Roerslev që ka depërtuar nga e djathta dhe ka krijuar një rast premtues për Yoane Wissa e Bryan Mbeumo, por kombinimi mes tyre nuk është finalizuar suksesshëm. Dyshja Wissa dhe Mbeumo ka vazhduar të krijojë probleme për mbrojtjen e City, me Mbeumo që ka detyruar portierin Stefan Ortega të ndërhyjë me një pritje.
Nga ana tjetër, City ka arritur ta krijojë rastin e parë vetëm në fund të pjesës së parë, kur Erling Haaland ka goditur jashtë pas një harkimi nga Kevin De Bruyne.
Në pjesën e dytë, City ka hyrë më i motivuar dhe ka bërë presion. Savinho e ka pasur një rast të pastër, por goditja e tij ka përfunduar në shtyllë. Në minutën e gjashtëdhjetë e gjashtë, Kevin De Bruyne e ka bërë një asistim për Phil Foden, i cili e ka realizuar golin e parë të takimit.
Brentford e ka pasur një mundësi të artë për ta barazuar menjëherë, por Nathan Ake e ka shpëtuar City, duke e nxjerrë një top në vijën e portës. City ka shënuar edhe një herë me Foden, i cili ka realizuar pas një tentative të Savinho që është pritur nga portieri i Brentfordt.
Gjithsesi, Brentford nuk është dorëzuar. Me dhjetë minuta të mbetura, Wissa ka realizuar golin e parë për vendasit pas një asistimi të Roerslev. Në kohën shtesë, Christian Norgaard ka përfituar nga një mbrojtje e dobët e City për të shënuar golin e barazimit dhe për t’i dhënë fund një ndeshje dramatike.
Pas kësaj ndeshje, City gjendet në vendin e gjashtë në tabelë, ndërsa Brentford në vendin e dhjetë. Tabela e Premier League kryesohet nga Liverpool.
