Kombëtarja e Kosovës U18 në hendboll ka fituar ndaj Britanisë së Madhe, duke u kualifikuar në finalen e IHF Trophy për zonën evropiane.
Në një ndeshje dramatike, Kosova ka triumfuar me rezultat 29:26.
Djemtë e Kosovës janë treguar të pathyeshëm në momentet vendimtare, ku me paraqitje janë dalluar sidomos Olt Kabashi dhe Olsi Mulaj.
Kabashi ka shkëlqyer në portë, duke regjistruar rreth njëzet pritje vendimtare, ndërsa Mulaj ka udhëhequr sulmin me trembëdhjetë gola. Po ashtu, Amar Muqolli dhe Granit Kadiri kanë kontribuuar me nga katër gola secili.
Të shtunën, me fillim nga ora 16:30, Kosova do të përballet me Bullgarinë në finale. Fituesi i kësaj ndeshjeje do të sigurojë një vend në fazën ndërkontinentale të IHF Trophy.
