Në ditën e 9 të fushatës, kandidati për kryeministër nga Lidhja Demokratike e Kosovës, Lumir Abdixhiku, ka thënë se tubimi i sotëm në Istog nuk është tubim qendror, por vetëm një takim nëndege e qytetit.
Abdixhiku, në një postim në Facebook, ka thënë se do të shkojë në tubimin e radhës për në Rugovë.
“Nuk është tubimi qendror, por vetëm një takim nëndege – e qytetit – në Istog. Dje në Gurrakoc, sot në qytet – shpërthimi këtu nisi dhe s’ka të ndalur më! Istogu jo vetëm që është me LDK-në, është vet LDK-ja! Shihemi në tubimin qendror krejt në fund. Tani vazhdojmë në Rugovë!”, ka shkruar Abdixhiku në Facebook. /Kosovatimes/
