Kreu i Lidhjes Demokratike të Kosovës (LDK), Lumir Abdixhiku, ka shpërndarë momente emocionuese nga një takim i mbajtur në Rugovë, ku fryma rugoviane dhe tradita e partisë janë rikthyer me krenari.
Në fjalën e tij, Abdixhiku theksoi simbolikën e fuqishme që solli shalli historik i vitit 2001, i mbajtur nga Ymer Muhaxheri gjatë pritjes së presidentit historik Ibrahim Rugova. “Ndjenja në këtë sallë ishte e fitores,” tha ai, duke shprehur besimin se LDK-ja po ringrihet si në kohët më të mira.
“I herë flasin rugovasit! Këtë e kam mësuar nga ta! ‘I herë’ fola dhe unë! Zotimet e burrit janë prej guri! Do t’u rri në fjalë!” shtoi Abdixhiku, duke i qëndruar besnik traditës dhe premtimeve të dhëna.
Me emocion dhe krenari, ai njoftoi se partia po përjeton një ringritje të djathtë dhe një thirrje për mobilizim të gjerë: “Kushtrimi ka rënë tashmë! Rugova po kthehet fort!”
Abdixhiku përfundoi fjalën duke theksuar hapjen e “shtëpisë së madhe” për popullin, një sinjal për një bashkim të fuqishëm dhe përkushtim ndaj qytetarëve. Ai u shpreh se kjo është një festë e madhe për LDK-në dhe për të gjithë ata që ndajnë idealet rugoviane. /Kosovatimes/
