Kryetari i Lidhjes Demokratike të Kosovës (LDK), Lumir Abdixhiku, zhvilloi një tubim madhështor në Kodrën e Trimave, ku shprehu entuziazmin për mbështetjen e fuqishme nga dega e parë e partisë në Prishtinë.
“Kam parë çfarë kam parë – askund sikur sonte! Vranjevci foli! Prishtina po rikthehet në bastion të LDK-së,” deklaroi Abdixhiku, duke theksuar mobilizimin dhe entuziazmin e jashtëzakonshëm të mbështetësve.
Ai premtoi një investim prej 1.5 miliardë eurosh për zhvillimin e kryeqytetit, duke e cilësuar këtë si një zotim madhor për qytetarët e Prishtinës.
Ky takim shënon një tjetër hap të rëndësishëm në fushatën e LDK-së për zgjedhjet e 9 shkurtit, me fokus në rikthimin e Prishtinës si bastion i partisë. /Kosovatimes/
