Koalicioni për Familjen ka vazhduar fushatën elektorale për zgjedhjet e 9 shkurtit. Në ditën e dhjetë të kësaj fushate ata organizuan performancën artistike “Koalicioni për Familje pjek kafe për mysafirë”, në atë që kandidati i kësaj liste zgjedhore, Sokol Plakolli e ka quajtur “odë uniteti”.
Kafen aty e piu njëri nga liderët e Koalicionit për Familje, Ferid Agani.
“Kam ardhur të mbështesë Sokolin në fushatën e tij parazgjedhore. Po e shihni e ka zgjedhur një rrugë që me vlera kulturore ta zë kërrigën në Kuvend të Kosovës. Ka treguar edhe në vitet e kaluara një shkallë të jashtëzakonshme të aktivizmit qytetar dhe madje si një individ ka qenë në gjendje që të ngritë zërin e ta thotë atë që e mendon”, tha Agani.
Ky aktivitet u tha se do të bëhet çdo ditë, nga ora 12:00 deri në orën 13:00, deri me 7 shkurt, dy ditë para zgjedhjeve.
