Një kamion që transportonte gaz të lëngshëm mori flakë dhe shpërtheu gjatë natës pranë një zone industriale në Pakistanin qendror, duke vrarë pesë persona dhe duke plagosur më shumë se 20, thanë sot zyrtarët pakistanezë.
Shpërthimi në Multan, një qytet në provincën lindore të Punjabit, dëmtoi rëndë dyqanet dhe shtëpitë aty pranë, dhe zjarri dhe shembja e kulmeve të shtëpive rezultoi në viktima njerëzore, tha komandanti i ekipit të shpëtimit, Mohamad Bilal, sipas agjencia AP.
Ai ka thënë se zjarrfikësit kanë shuar zjarrin dhe se grupet hetimore po përpiqen të përcaktojnë shkakun e saktë të rrjedhjes së gazit në kamion, si dhe shkakun e shpërthimeve të mëvonshme.
