Berat Gjimshiti është zgjedhur “Lojtari i Vitit i Kombëtares” nga Federata Shqiptare e Futbollit.
Kjo ka ndodhur në një ceremoni të organizuar të hënën nga FSHF.
Çmimi i është dorëzuar nga trajneri i Kombëtares shqiptare, Silvynho, Sevime Gjimshitit, nënës së futbollistit, pasi Berat Gjimshiti nuk ka mundur të ishte i pranishëm për shkak të angazhimeve me klubin e tij.
Gjimshiti, i cili aktivizohet me Atalanta në Serie A dhe mban shiritin e kapitenit te Kombëtarja shqiptare, kishte pasur një vit të jashtëzakonshëm më 2024. Ai kishte udhëhequr skuadrën italiane drejt triumfit historik në Europa League dhe ishte një nga futbollistët kryesorë te Kombëtarja e Shqipërisë në Euro 2024.
Përzgjedhja e tij si “Lojtari i Vitit i Kombëtares” është bërë nga votat e lojtarëve të Kombëtares shqiptare.
