Kryetari i Lidhjes Demokratike të Kosovës (LDK), Lumir Abdixhiku, zhvilloi një takim në lagjen Kolovicë të Prishtinës, ku së bashku me kryetarin aktual të Prishtinës, Përparim Rama, prezantuan projektet dhe vizionin për zhvillimin e kryeqytetit.
Abdixhiku theksoi angazhimin e LDK-së në nivel qendror dhe lokal për të sjellë një ndryshim transformues në Prishtinë, duke paralajmëruar investime prej 1.5 miliardë eurosh.
“Prishtina do të marrë pamjen që e ka merituar gjithmonë,” deklaroi ai duke falënderuar banorët për pritjen e ngrohtë. Abdixhiku përfundoi me një thirrje për fitore duke e cilësuar atë si objektivin e vetëm të partisë. /Kosovatimes/
