Sukseset dhe sfidat e sportit të notit kanë qenë temë diskutimi mes zëvendësministres së Kulturës, Rinisë dhe Sportit, Daulina Osmani, dhe nënpresidentit të parë të Federatës Evropiane të Notit, Josip Varvodic.
Për takimin kanë njoftuar nga MKRS.
“Zëvendësministrja Daulina Osmani ka pritur sot në takim nën-presidentin e parë të Federatës Evropiane të Notit, Josip Varvodic. Bashkë diskutuan për forcim të bashkëpunimit, për punët që janë bërë në fushën e sportit, sukseset e sfidat në sportin e notit në veçanti. Zëvendësministrja Osmani e falënderoi nënpresidentin Varvodić për vizitën e tij në Kosovë, ndërsa bëri të ditur gatishmërinë e Ministrisë së Sportit për mbështetje dhe zhvillim të mëtejshëm të këtij sporti. Në këtë takim morën pjesë edhe përfaqësues nga Federata e Notit e Kosovës”, ka bërë të ditur kjo ministri. /Kosovatimes/
