Sulmuesi i Aston Villa, Jhon Duran, është transferuar te klubi saudit Al Nassr, duke i dhënë fund aventurës së tij në Premier League.
Në një njoftim zyrtar, skuadra angleze ka konfirmuar largimin e sulmuesit njëzet e një vjeçar, duke i uruar atij suksese në karrierën e tij të mëtejshme.
“Duran largohet drejt Arabisë Saudite pasi ka shënuar dymbëdhjetë gola për Aston VillA këtë sezon, përfshirë golin vendimtar ndaj Bayern Munich në Champions League. Të gjithë në klub i dëshirojnë Jhonit suksese në hapin e radhës të karrierës së tij profesionale”, thuhet në njoftimin e klubit anglez.
Me këtë lëvizje, Duran do të bashkohet me Cristiano Ronaldo dhe Sadio Mane, duke përforcuar repartin ofanziv të Al Nassr.
