Një 25-vjeçar është gjetur pa shenja jete këtë të shtunë në Gjilan. Rastin për RTKlive e konfirmoi zëdhënësi i policisë për rajonin e Gjilanit, Valon Osmani.
“Me datën 01.02.2025 rreth orës 08:10 kemi pranuar informacion se në një motel në qytetin e Gjilanit një person i vitit të lindjes 2000 është gjetur pa shenja jete”, tha ai.
Sipas tij, njësitet policore relevante kanë dalë në vendin e ngjarjes së bashku me ekipin mjekësor nga Emergjenca e Spitalit rajonal të Gjilanit ku mjeku ka konstatuar se viktima është pa shenja jete.
“Me urdhër të Prokurorit të Shtetit trupi i viktimës është dërguar në Institutin e Mjekësisë Ligjore në Prishtinë për obduksion. Hetimet në ndriçimin dhe sqarimin e rrethanave të rastit janë duke vazhduar në koordinim me Prokurorinë e Shtetit”, tha ai.
