Kandidati për kryeministër nga AAK- Nisma e partnerët tjerë të koalicionit nën sloganin “Për Kosovën fituese”, Ramush Haradinaj, ka thënë se janë edhe katër ditë deri në fitore.
Haradinaj, duke pasqyruar ditët e fushatës elektorale qysh nga nisja e saj, tha se e nisën duke nderuar sakrificën për liri në Prekaz, për të vazhduar në Prishtinë dhe me tubime në mbarë vendin.
“Entuziazmi dhe vendosmëria juaj, është tregues që jemi në rrugën e drejtë, rrugën që Kosovën e çon drejt përparimit e zhvillimit, direkt në NATO, përkrah Amerikës e demokracive botërore. Të dielën vendosim për Kosovën ku fitojnë të gjithë. Vendosim për fatin tonë. Vendosim për fëmijët tanë. Mirupafshim me 9 shkurt te kutitë e votimit, te numri 137, për Kosovën Fituese”, ka shkruar Haradinaj.
