Franca do të shpallë 109 miliardë euro investime të sektorit privat në inteligjencën artificiale (AI) gjatë Samitit të Inteligjencës Artificiale, njoftoi Presidenti Emmanuel Macron.
Financimi përfshin firmën kanadeze të investimeve Brookfield me një investim prej 20 miliardë eurosh dhe financim nga Emiratet e Bashkuara Arabe (EBA) që mund të arrijë në 50 miliardë euro në vitet e ardhshme, tha zyra e Macron.
Inteligjenca artificiale kërkon sasi të mëdha energjie për të fuqizuar qendrat e mëdha të të dhënave dhe Evropa po përpiqet të përmbushë kërkesat e ardhshme, raporton Reuters.
Muajin e kaluar, Presidenti i SHBA Donald Trump njoftoi se OpenAI, SoftBank Group dhe Oracle do të investojnë 500 miliardë dollarë në infrastrukturën e AI gjatë katër viteve të ardhshme për të ndihmuar Shtetet e Bashkuara të qëndrojnë përpara Kinës dhe rivalëve të tjerë në garën globale të AI.
Për më tepër, janari solli një tronditje në fushën e inteligjencës artificiale kur kompania kineze DeepSeek prezantoi modelin e saj të AI, të ngjashëm me ChatGPT, i cili u zhvillua me kosto drastike më të ulëta.
Kompania njoftoi se shpenzoi vetëm 5.6 milionë dollarë në burimet kompjuterike për modelin e saj bazë.
Në të njëjtën kohë, kompanitë amerikane si OpenAI, Google dhe Meta po investojnë miliarda në zhvillimin e inteligjencës artificiale.
