Asociacioni i Gazetarëve të Kosovës (AGK), i ka shprehur ngushëllime familjes, miqve e kolegëve të gazetarit dhe themeluesit të Agjencisë së Lajmeve “Ekonomia Online”, Faton Osmani, i cili ka vdekur sot në moshën 49-vjeçare.
AGK thotë se kontributi i tij i vlefshëm në fushën e medies në Kosovë do të mbahet mend gjatë.
“Para se të themelonte “Ekonomia Online”, ai ka punuar në disa media vendore dhe ndërkombëtare”, ka shkruar AGK.
“Humbja e tij është e madhe jo vetëm për të afërmit, por edhe për komunitetin e gazetarëve dhe gjithë shoqërinë” ”, thuhet në telegramin e ngushëllimit.
