Një 35-vjeçar shqiptar, është vrarë dhe dy të tjerë janë plagosur në një përplasje me armë zjarri në Çair të Shkupit.
Sipas mediave, viktima është identifikuar si Hebib Bunjaku, djali i ish-zyrtarit të BDI, Ekrem Bunjaku.
Përplasja ka ndodhur për shkak të një mosmarrëveshjeje në një parking.
“Më 11.02.2025, në ora 00:06, nga Spitali i Përgjithshëm i Qytetit “Shën Naumi i Ohrit” është raportuar se tek ata janë sjellë me lëndime nga armë zjarri H.B. (35) dhe A.D. (35), të dy nga Shkupi, dhe se më vonë H.B. ka ndërruar jetë, ndërsa mbi A.D. është kryer ndërhyrje dhe është mbajtur për trajtim. Për shkak të plagëve nga arma e zjarrit, në Kompleksin e Klinikave “Nënë Tereza” është dërguar edhe N.D. nga Shkupi”, njoftoi ministria e Punëve të Brendshme.
Katër persona janë arrestuar pas ngjarjes, 39 vjeçari B.B, 22-vjeçari N.D, 41 vjeçari R.R dhe 28-vjeçari K.T që të gjithë nga Shkupi.
Gjithashtu, pas masave të ndërmarra, në vendngjarje janë gjetur dy pistoleta dhe sende të tjera të lidhura me rastin. Policia thotë se një mosmarrëveshje në një parking ka qenë shkaku për një debat mes dy grupeve.
