Prokurorët përgjegjës për hetimin njoftuan se të paktën 38 persona humbën jetën në një aksident të rëndë trafiku në Meksikë, mes qyteteve Villa del Sol dhe Tecolutla, fundjavën e kaluar.
Një përplasje e dhunshme mes një kamioni dhe një autobusi pasagjerësh ka ndodhur në juglindje të Meksikës dhe deri më tani bëhet e ditur se dy persona në kamion kanë humbur jetën, si dhe të paktën 36 në autobus. Këtë e ka bërë të ditur për publikun prokurori Jackson Villacis, tre ditë pas tragjedisë së madhe.
“Ishte e pamundur të shmangej përplasja”
“Aksidenti ndodhi pasi një kamion hyri në rrugën kryesore dhe u përplas me autobusin tonë”, tha në një deklaratë kompania e transportit Tour’a Acosta.
“Në momentin e aksidentit, autobusi ynë ishte në gjendje optimale dhe po udhëtonte me shpejtësinë e përcaktuar. Pavarësisht manovrës së shoferit tonë, ishte e pamundur të shmangej përplasja,” shtoi transportuesi në një deklaratë.
Përplasja bëri që autobusi të merrte flakë, duke i bërë shumë prej trupave plotësisht të panjohur për identifikim.
Ky është një nga aksidentet më të rënda të trafikut në Meksikë në vitet e fundit, ku mesatarisht 15,000 njerëz humbasin jetën në rrugë çdo vit.
