Ministrja e Jashtme në detyrë e Kosovës, Donika Gërvalla, në margjinat e Konferencës së Munihut për Sigurinë ka takuar homologun e saj nga Malta, Ian Borg, me të cilin ka biseduar për forcimin e bashkëpunimit ndërmjet dy vendeve.
Përmes rrjetit social ‘Facebook’, Gërvalla bëri të ditur për takimin me homologun e saj nga Malta. Ajo u shpreh se e ardhmja e të dyja vendeve është në BE.
“Me Ian Borg, Zëvendëskryeministër dhe Ministër për Punë të Jashtme dhe Turizëm të Maltës, diskutuam për transformimin ekonomik të Kosovës dhe forcimin e bashkëpunimit dypalësh mes vendeve tona. Kosova po ecën me ritme të shpejta, ekonomi në rritje, institucione solide demokratike, transparencë dhe standarde evropiane. E ardhmja jonë është në BE!”, ka shkruar Gërvalla. /Kosovatimes/
