Një ngarkesë me bomba nga Shtetet e Bashkuara (SHBA) ka mbërritur në Izrael, dërguar nga administrata e mëparshme e presidentit të atëhershëm Joe Biden.
Një anije me municione të shumta MK-84 ka mbërritur sonte, njofton Ministria e Mbrojtjes e Izraelit. Më pas bombat u ngarkuan në dhjetëra kamionë dhe u dërguan në bazat ajrore izraelite.
Ministri i Mbrojtjes Israel Katz iu drejtua shkurtimisht publikut pas mbërritjes së kësaj dërgese.
“Dërgesa e këtij municioni përfaqëson një pasuri të rëndësishme për Forcën Ajrore, IDF dhe shërben si dëshmi e mëtejshme e aleancës së fortë midis Izraelit dhe Shteteve të Bashkuara të Amerikës”; tha ai.
Sipas ministrisë, që nga fillimi i luftës në tetor 2023, mbi 76,000 ton pajisje ushtarake kanë mbërritur në Izrael nëpërmjet 678 avionëve transportues dhe 129 anijeve. Pjesa më e madhe erdhi nga SHBA.
