Me trishtim dhe dhimbje të thellë, Kryetari i Prishtinës, Përparim Rama, ka shprehur ngushëllimet e tij për ndarjen e parakohshme nga jeta të Lirim Maqedoncit.
Në një reagim publik, Rama e cilësoi Maqedoncin si një profesionist të përkushtuar, një njeri të ndershëm dhe të dashur, i cili dha një kontribut të madh për kryeqytetin.
“Humbja e tij lë një boshllëk të madh në mesin tonë, por do ta kujtojmë gjithmonë për mirësinë, përkushtimin dhe energjinë pozitive që shpërndante kudo,” shkroi Rama duke përcjellë ngushëllime të sinqerta për familjen, miqtë dhe kolegët e tij.
Lirim Maqedonci do të kujtohet si një figurë e çmuar, e cila la gjurmë në punën dhe komunitetin e tij. /Kosovatimes/
