Kreu i AAK-së, Ramush Haradinaj për nder të 17-vjetorit të Pavarësisë së Kosovës, ka bërë homazhe në Prekaz, para varrezave të Komandantit Legjendar Adem Jashari dhe familjes heroike, si dhe te varri i presidentit Ibrahim Rugova.
“Kjo ditë na kujton përpjekjet për liri të brezave, bashkëluftëtarët e rënë, e na përkujton se edhe ëndrrat më të mëdha bëhen realitet kur je i vendosur dhe në të drejtën e Zotit. Ta mbrojmë e forcojmë këtë liri që u fitua me gjakun e më të mirëve të kombit”, ka shkruar ai në facebook.
Haradinaj më tutje e ka quajtur Rugovën si një prej vizionarëve dhe arkitektëve të pavarësisë së Kosovës.
“Urtësia e përkushtimi i tij, trasuan rrugën tonë drejt ëndrrës shekullore për liri dhe shtetndërtim”, ka shkruar ai.
