Filmi i realizuar nga regjisori Ibër Dehari, “Krejt e thirrin Rexhën”, po bënë bujë në kinematë e Shkupit, Prishtinës e Tiranës. Arsyeja qëndron te prekja e një realiteti të hidhur për shqiptarët, emigrimi.
Regjisori Dehari është frymëzuar nga jeta reale e një punëtori të vetëm në një fshat të Kumanovës. Filmi, një përzierje e zhanrit të dramës dhe komedisë trajton temën e emigracionit dhe vështirësitë e atyre që mbeten në vend pas largimit masiv të forcës punëtore.
Rasti i fshatit maqedonas të Sllupkovës, ku për shkak të braktisjes ka mbetur vetëm Rexha që kujdeset për gjithçka është kthyer në frymëzim për regjisorin Ibër Deari i cili ka sjellë si personazh në filmin e tij.
Emigrimi dhe braktisja e vendit nga të rinjtë dhe forca punëtore është një plagë thuajse në të gjithë vendet e Ballkanit, e sigurisht edhe në Kosovë, në Shqipëri, e Maqedoninë e Veriut.
Në rolet kryesore të këtij filmi luajnë Afrim Muçaj, Adriana Matoshi e Ledion Mulaku ndërkaq në role të tjera janë Adem Karaga, Mirsad Abazi, Bereda Reshit, Bujar Ahmeti, Labinot Raci, Adrian Aziri, Daniela Markaj, Sara Bajrami.
“Krejt e thirrin Rexhën” ka pasur premierën në Shkup dhe në Prishtinë, po ashtu edhe në Tiranë.
