Menaxheri i Manchester Cityt, Josep Guardiola, në një konferencë për media para ndeshjes kundër Liverpool-it, fillimisht ka folur për gjendjen fizike të Erling Haaland.
“Ne do ta dimë nesër. Ai do të bëjë një test nesër dhe do ta dimë”, tha Guardiola.
Strategu spanjoll ka folur edhe për raportet e tij me De Bruyne.
Guardiola u pyet për mosaktivizimin e Kevin De Bruyne në ndeshjen kundër Real Madridit.
“Vendimi ishte imi. Po, sigurisht që ai ende mund të luajë në ndeshjet e rëndësishme. Ai luajti kundër Madridit në shtëpi, dhe padyshim që mund të luajë sërish. Marrëdhënia me të është e jashtëzakonshme. Nuk mund të jem mjaftueshëm mirënjohës për atë që ka bërë ai për mua, për ekipin dhe për të gjithët. Është thjesht një vendim taktik”, theksoi Guardiola.
