Shkruan: Shqiprim PULA
Pardje, më 20 Shkurt, 2025 u nxorë në shesh e gjithë Bashkia, respektivisht nëpunësit e Bashkisë së Tiranës, për t’u mbajtur fjalim.
Edi Rama, si kryeministër i Shqipërisë, tha shumëçka mbi paligjshmëritë që ka normalizuar dhe gjithçka prej dëshirave që ka realizuar!.
Gjatë fjalimit (…), tregoi histori nga e shkuara e tij si kryebashkiak, duke kallëzuar se kishte bërë “korrupsion” me ndërtuesit që kishin marrë leje ndërtimi nga ai, duke u kërkuar (atyre) ndërtuesve që me buldozerët e tyre, naftën e tyre, punëtorët e tyre, të pastronin lumin Lana, të mbjellin fidanë drunjësh apo kopsht fëmijësh!.
Pse kështu, kur…
Bashkia është njësi e strukturës shtetërore qeverisëse, dhe se <Kryetari i Bashkisë>, <Këshilli Bashkiak> apo edhe <Këshilli Kombëtar i Territorit>, funksionon mbi procedurat e normuara dhe përcaktimet ligjore, për të realizuar planifikimet urbanistike!?
Pse qenka e mundur që…
kryebashkiaku apo kryeministri t’i telefonoj ndërtuesit/biznesmenët që kanë kontrata me shtetin, t’u kërkoj atyre të bëjnë pastrime, gjelbërime apo ndërtime në hapësira publike që janë përgjegjësi institucionale?!
Bile, mes tjerash tha…; “asgjë të keqe nuk ka që në këmbim të një leje ndërtimi t’u kërkosh atyre t’i bëjnë këto punë”!!!
Kështu, kjo mendësi është skandaloze!
Udhëtimi i Shqipërisë drejtë Unionit Europian me kësi mendësie është udhë me gropa.
