Sot bëhen 27 vjet nga fillimi i luftës në Kosovë, e cila nisi në fshatrat e Drenicës, Likoshan dhe Qirez, ku te vendi i quajtur “Te tre lisat” u zhvilluan luftimet mes Ushtrisë Çlirimtare të Kosovës dhe forcave kriminale serbe.
Në përvjetorin e masakrës drejtori ekzekutiv i Institutit të Krimeve të Kryera Gjatë Luftës, Atdhe Hetemi ka pritur në takim pjesëtarë të familjes Ahmeti.
“Sot, në 27-vjetorin e ngjarjeve në Qirez dhe Likoshan, IKKL nderon kujtimin e viktimave dhe guximin e të mbijetuarve. Shprehim mirënjohjen tonë të thellë për z. Xhevdet Ahmetin, i cili na vizitoi në zyret tona, e më pas n’a priti në shtëpinë̈ e tij në Likoshan, duke ndarë me ne kujtime dhe dëshmi të çmuara. Falë bashkëpunimit me z. Ahmetin dhe të tjerë si ai, arkivi ynë pasurohet me materiale thelbësore që dokumentojnë ngjarjet e 28 shkurtit 1998. Këto dëshmi janë jetike për ruajtjen e kujtesës sonë kolektive dhe zbardhjen e së vërtetës”, njofton Instituti i Krimeve të Kryera Gjatë Luftës
