Kryetari i Partisë Demokratike të Kosovës, Memli Krasninqi, i shoqëruar nga kryetari i Komunës së Skenderajt, Fadil Nura dhe ai i Drenasit, Ramiz Lladrovci, si dhe anëtarë të tjerë të kësaj partie kanë përkujtuar masakrën e Likoshanit dhe Çirezit.
Përmes rrjetit social ‘Facebook’, Krasniqi bëri të ditur se bashkë me anëtarë të tjerë të PDK-së ka përkujtuar këtë ngjarje madhore me respekt e mirënjohje martirët dhe dëshmorët e UÇK-së, të cilët “27 vite më parë i dolën përballë armikut me guximin, besimin dhe gjakun e tyre”.
“Ata janë drita e pashuar e lirisë sonë dhe themeli i shtetit që gëzojmë sot. Ne nuk do t’i harrojmë kurrë! Lavdi e përjetshme heronjve të Likoshanit dhe Çirezit!”, ka shkruar Krasniqi.
