Në një fiasko të vërtetë është kthyer takimi mes Presidentit të SHBA-së, Donald Trump dhe presidentit të Ukrainës, Volodymyr Zelensky. Trump dhe Zelensky debatuan para kamerës, me Trump duke i bërtitur presidentit ukrainas dhe duke e heshtur atë. Gjithçka përfundoi me ndërprerjen e papritur të vizitës së Zelensky. Një konferencë për shtyp ku Trump dhe Zelensky duhej të nënshkruanin një marrëveshje për mineralet u anulua gjithashtu.
Gjatë konferencës për shtyp në Zyrën Ovale të Shtëpisë së Bardhë ka ndodhur një tjetër ngjarje interesante.
Gazetarja e Trump për Zelensky: Pse nuk keni veshur një kostum, a keni një të tillë?
Gazetari pro-Trump, Brian Glenn, me tallje e pyeti Zelenskyn për veshjen e tij.
“Pse nuk keni veshur kostum? Ju jeni zyrtari më i lartë në vendin tuaj dhe refuzoni të vishni një kostum. Unë thjesht dua të shoh nëse keni edhe një kostum,” tha Glenn. Zëvendëspresidenti i Trump, JD Vance ishte duke qeshur gjatë kësaj kohe.
Zelensky u përgjigj: “A keni ndonjë problem me këtë?”
Gazetari i Trump u përgjigj: “Kam një problem me mosrespektimin…”
Zelensky u përgjigj: “Unë do të vesh një kostum kur të përfundojë lufta, ndoshta diçka si e juaja, ndoshta diçka më e mirë, nuk e di, do të shohim. Ndoshta diçka më lirë.”
Kush është Brian Glenn?
Pyetja u bë nga Brian Glenn, kryekorrespondenti i Shtëpisë së Bardhë për Real America’s Voice, një rrjet i krahut të djathtë që pret rregullisht aleatët e Trump.
Ai është drejtuesi i Real America’s Voice, një podcast që është i popullarizuar në mesin e mbështetësve të lëvizjes MAGA. Glenn njihet për stilin e tij tërheqës të raportimit dhe ka mjaft prezencë në rrjetet sociale. Ai është në një lidhje me përfaqësuesen republikane Marjorie Taylor Greene.
Ai fitoi famë për intervistat ekskluzive me Trump dhe mbulimin e drejtpërdrejtë të mitingjeve të Trump.
Ai thotë se ai dhe Marjorie Taylor Greene janë çifti i preferuar i lëvizjes MAGA.
