Ish-ministri i Punëve të Jashtme, Bujar Osmani, nëpërmjet rrjeteve sociale i është kundërpërgjigjur kryeministrit të vendit, Hristijan Mickoski i cili ky i fundit në një dalje për media tha se Bujar Osmani ka shitur identitetin maqedonas.
Osmani në rrjetin social Facebook shkruan se si ministër i Jashtëm më së shumti ka bërë për gjuhën maqedonase se sa kushdo tjetër. Tutje Osmani porosit kryeministrin Mickoski që të mos rrezikojë atë që të tjerët para tij e kanë bërë.
“Gjuha maqedonase e pranuar në BE dhe korniza negociuese pa asnjë fusnotë.
Është nënshkruar marrëveshja e parë me BE-në për njohjen e gjuhës maqedonase (FRONTEX).
Për afirmimin ndërkombëtar të gjuhës maqedone, unë kam bërë më shumë se kushdo tjetër prej tyre.
Unë kam bërë më shumë për afirmimin ndërkombëtar të gjuhës maqedonase se kushdo prej tyre.
Le të bëjë kryeministri Mickoski për gjuhën shqipe gjysmën e asaj që kam bërë unë për gjuhën maqedonase, shqiptarët do të jenë shumë falenderues, por më e rëndësishmja, le të mos rrezikojë atë që të tjerët kanë bërë para tij”, ka shkruar ish-ministri i Jashtëm Bujar Osmani në rrjetin social Facebook.
