Kryetari i Lidhjes Demokratike të Kosovës (LDK), Lumir Abdixhiku, ka falënderuar qytetarët e Kosovës për mbështetjen e dhënë në zgjedhjet e fundit, duke theksuar se 171,249 vota janë një shenjë e qartë e besimit në LDK.
“Plot 171,249 falenderime për qytetarët e Kosovës që e votuan LDK-në këtë herë. Kaq u bëmë tani. Ishim vetëm 110,206 katër vite më parë, dhe kjo rritje na flet shumë!” tha Abdixhiku.
Ai theksoi gjithashtu mbështetjen rekord prej 146,352 votuesish për veten si bartës i listës, duke e konsideruar këtë mbështetje si një nxitje për ndryshime të mëtejshme brendapartiake. “Kjo mbështetje rekord, mbi 85%, është mbështetje për ndryshim të mëtutjeshëm në rrugëtimin tonë përpara brendapartiak!” shtoi ai.
Abdixhiku përfundoi duke e shprehur angazhimin e tij për të realizuar mesazhin e votuesve: “E kam të qartë mesazhin tuaj për LDK-në! Do ta kthejmë në veprim!
