Në provincën Balochistan të Pakistanit, separatistët e armatosur hapën zjarr ndaj një treni që transportonte rreth 450 pasagjerë, duke plagosur shoferin. Këtë e raporton AFP, duke cituar autoritetet lokale.
Treni, i cili po udhëtonte nga Quetta në Peshawar, u sulmua nga anëtarë të Ushtrisë Çlirimtare të Balochistanit. Mësohet se kanë ndaluar trenin brenda tunelit. Sipas CNN, ata morën përgjegjësinë për sulmin.
Më herët u raportua se separatistët kishin marrë peng të gjithë pasagjerët në tren më vonë, anëtarët e grupit thanë se 182 persona mbaheshin peng, duke përfshirë personelin e ushtrisë pakistaneze dhe personelin tjetër të sigurisë.
“Pasagjerët civilë, veçanërisht gratë, fëmijët, të moshuarit dhe shtetasit e Balochistanit, u liruan në mënyrë të sigurtë”, tha grupi në një deklaratë, sipas Reuters. Separatistët kërcënuan gjithashtu se do të vrisnin pengjet nëse forcat e sigurisë nuk largoheshin nga zona.
Zëdhënësi i qeverisë së Balochistanit, Shahid Rind tha se autoritetet kishin vendosur masa emergjente dhe të gjitha agjencitë ishin mobilizuar për t’u marrë me situatën. Forcat e sigurisë janë dërguar në vendin e sulmit.
Sipas Rind, treni ndodhet në një zonë malore të qytetit Sibi, gjë që e bën të vështirë aksesin. Autoritetet po hetojnë incidentin dhe po shqyrtojnë mundësinë e një sulmi terrorist.
- SHBA ka shtuar Ushtrinë Çlirimtare të Balochistanit në listën e saj të organizatave terroriste.
