Punimet për ndërtimin e rrugës së re te kompleksi i varrezave të dëshmorëve në Gjilan vazhdojnë. Rruga do të ketë një gjatësi prej 194 metrash, gjerësi 5 metra dhe do të përfshijë një trotuar për këmbësorët.
Kjo po bëhet me qëllim që qytetarëve t’iu lehtësohet lëvizja e vajtje-ardhjes nga qendra e qytetit te Kodra e Dëshmorëve dhe rruga qarkore.
Kryetari i Komunës së Gjilanit Alban Hyseni, ka parë nga afër punimet të cilat po zhvillohen atje.
Ai tha se vizitën e filluan te Kodra e Dëshmorëve, ku po ndërtohet rruga që do ta lidhë këtë zonë me rrugën qarkore, në lagjen e 8-të.
“Po punohet gjithashtu për ndërtimin e murit mbrojtës, një kërkesë e banorëve të zonës”, tha kryetari Hyseni.
